Naupang chhawmdawl ngaite hnenah an fund dawn tur hlan

District Child Protection Unit (DCPU) Champhai chuan Zirtawpni khan Champhaiah Sponsorship & Foster Care Fund an pek naupang 130 nu leh pa leh an chhungte chu naupang humhalhna dan leh hriat tur pawimawh an zirtir.
Child Welfare Committee chairman Lalthantluanga Tochhawng, Sub-Hqrs. MHIP Champhai president Lalhmachhuani Varte, Champhai Child Help Line coordinator T Vanlalruata leh protection officer Vanlalhruaii te chuan Juvenile Justice (Care and Protection of Children) Act 2015, Protection of Children from Sexual Offences Act (POCSO) 2012 leh nu leh pa mawhphurhna an sawi. Naupang 130 fund dawngte hi district bawrhsap kaihhruaina hnuaia Sponsorship & Foster Care Approval Committee-in a pawmpui tawhte an ni.
Sponsorship & Foster Care Fund hi naupang zirna hmasawnna atan, medical mamawh phuhrukna atan leh naupang thanlenna kawnga mamawh hrang hrang phuhrukna atana hman tura pek an ni.