Naupang rukbo leh hralh laka himna atana tulte sawi

Naupang rukbo leh hralh kawnga invenhimna leh hriat tur pawimawh inhrilhin Nilaini khan Mamitah hun hman a ni.
Ramri hrul leh a bulhnai district hrang hranga hetiang hmalakna kal mekah Mamitah pawh hian hun hman a ni a. Mamit addl SP Lalpianthanga chuan naupang hmanga dan loa sumdawnna chungchanga hriat tur sawiin, India rama child trafficking awm tawh dan leh a hluar chak zia, constitutional and legal mechanism, naupang hralh leh rukbo mai theih dinhmuna dingte leh mipui invenna tur leh mawhphurhna, ram leh khawtlanga thawhho a tulna te a sawi a ni.
DCPO C Lalremruati chuan heng naupang chhanchhuahte enkawl zuina leh a kaihhnawiha hriat tur pawimawh sawiin, naupang venhim tulna leh hleihlenna hrang hrang laka mipui inven ngaihna leh mawhphurhna, Child Welfare Committe pawimawhna leh an hnathawh, naupang tana Mission Vatsalya hnuaia chhawmdawlna awm – counselling, sponsorship, after care leh child care institutions chungchang a sawi a ni.
District Child Protection Unit, child care institutions, One Stop Centre, Child Welfare Committee chairperson & member, Juvenile Justice Board superintendent, Shakti Sadan, chief medical officer, Anti Human Trafficking Unit leh non governmental organisations hruaitute an tel a ni.