Navalny nu-in, a fapa ruang hmuhtir tawh ti

Alexei Navalny nu chuan a fapa ruang chu hmuhtir a nih tawh thu sawiin mahse Russian thuneitute chuan a fapa ruang chu ‘a ruka’ phum remti tura an nawr thu a sawi.
Video kaltlanga thusawina a neihah Lyudmila Navalnya chuan morque-ah a fapa ruang dahnaah kalpui niin chutah chuan death certificate-ah a hming a ziah hnan tiin a sawi a.
Navalnya press secretary chuan medical report-ah chuan Navalnya chu ‘natural cause’ a thi tia ziahlan a ni a ti a. Navanlnya nupui erawhin Russian thuneitute tihhlum a ti ve thung.
Lyudmila Navalnya chuan dan chuan official tena a fapa ruang an pek ngei ngei a phut a ti a, mahse, a ruang an pek duh loh avangin ‘blackmailed’ tumin chet an la a ti a. Russian thuneitute chuan a fapa ruang phumna tur, phumna, hmun leh hun, phum dan tur thlengin inrawlh an tum tiin a sawi.
“Thlanmual pawnah thlan laih tharah min hruai leh kawhhmuh a, hetah hian i fapa ruang phum a ni tih an duh a ni” tiin a sawi bawk.
Navalnaya hian a fapa thih thu ni ruk kaltaa hriat a nih tirh atang khan a fapa tanna penal colony hnaih a Russia khua Salekhard chu a pan nghal a ni. A fapa ruang hmuh phalsak a nih loh hnuah Thawhleh khan President Putin hnenah a fapa ruang chu amah ngeiin a phum remtihsak turin ngenna a siam a.
Ningani a thusawi a niehah Lyudmila Navalnaya chuan thuneitute chuan an vau tiin a sawi a, “Ka mita en chungin a ruka ka fapa ruang phum ka remti lo a nih chuan ka fapa ruang chungah eng emaw an ti ang min ti a ni” min ti a ni, a ti a.
Lyudmila chuan investigator te hnenah, “Hun in nei tlem tawh, ruang a chhe tial tial” tiin ka hrilh tiin a sawi.
Lyudmila thusawi te hi a fapa thi ta YouTube channel ah post nghal niin a thusawi tlip nan a fapa ruang chu pek let ngei a phut a ni.