Neeraj Chopra hoa World Athletics hmachhawn tur Indian team

Neeraj Chopra hoa World Athletics hmachhawn tur Indian team
Olympic champion javelin thrower Neeraj Chopra chuan August ni 19 atanga Hungary khawpui Budapest-a World Athletics Championships tan turah India ai a awh leh dawn a, India goal medal beiseina lian ber leh Indian team-a infiammi langsarber a ni.
World Athletics Championship hmachhawn tur hian 28-member team thlanchhuah fel tawh niin, tuntum hian Athletics Federation of India (AFI) ni loin Sports Ministry lamin he infiamna kutpuia India aiawh turte hi an puang teh tlat a, mak tih pawh a hlawh viau a ni.
August 19-27 chhung awh tur khawvel huap athletics intihsiak lian berah hian Asian record holder shot putter Tajinderpal Singh Toor a inlan dawn lo a, a chhan pawh kumin July thla Asian Championship-a a thal bawr a tihnat kha a la damchian loh vang a ni.
National record holder high jumper Tejaswin Shankar, 800m runner KM Chanda leh 20km race walker Priyanka Goswami (national record holder tho)-te pawh tuntum World Championship-a Indian infiammi tel lo tur langsar zingah telin, Hangzhou, China-a Asian Games (September 23 to October 8) lam an tinzawn zawk vang a ni.
Reigning Diamond League champion Chopra hian World Athletics Championship hnuhnung ber kum 2022 khan Eugene, USA-ah silver medal a khawh chhuak a, tuntum hian Budapest lamah gold medal a beisei dawn a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More