KVK Khawzawl chuan Neihdawn khuaa kuthnathawktu chhungkaw 50 hnenah nimin khan thlasik thlai chin chungchanga an hriat tur an zirtir a, thlasik thlai chi an sem nghal.
KVK Khawzawl head, senior scientist Dr Malsawmkimi’n a zirtir a. Neihdawn Far huan zaua kuthnathawktu chhungkaw 50 hian thlasik thlai chi hrang hrang 16 – Indian Institute of Horticultural Research, Indian Council of Agricultural Research North Eastern Hill (IIHR- ICAR- NEH) scheme hnuaiah leh Indian Agricultural Research Institute North Eastern Hill (IARI – NEH) scheme hnuai atangin an dawng a ni.
Neihdawn khuaah hian tomato a thar hlawk zawk theih nan KVK hian Quest-grow brand Biostimulant hmangin a enchhin a. Neihdawna chhungkaw 90-in tomato chingin, IIHR-NEH scheme hnuai atang hian KVK-in tomato chi an lo pe tawh bawk. IIHR – NEH scheme hnuai atang hian tomato F1, hmarcha (Arka Meghana), bawkbawn, bean (French bean), bawrhsaiabe, um ei, bepui (dolichos) leh zamzo ei chi (amaranthus) an dawng a. IARI-NEH scheme hnuai atang hian thlai chi 8 awmna vegetable seed kit an dawng bawk.
Neihdawnah thlai chi sem
Get real time updates directly on you device, subscribe now.
Prev Post
Next Post