Nelson Chamisa-a’n president chuh dawn

Pentecostal preacher niin Zimbabwe a opposition leader a ni bawk a, Nelson Chamisa chuan mipui chawhthawh a thiam hle.
Mi hip thei tak mai niin 23 August a inthlanpui neihnaah President ni lai mek Emmerson Mnangagwa chu a khing leh dawn a, kum 2018 inthlanah khan a lo hneh lo tawh thung.
Chamisa hian Citizens Coalition for Change (CCC) banner hnuaiah president hi a chuh dawn a, he party hi nikum khan opposition party lian ber Movement for Democratic Change (MDC) atanga hnawhchhuah a nih hnua a din a ni.
MDC-ah hian founding leader Morgan Tsvangirai a thih hnuah thuneihna chang tura inchuhna nasa tak a awm a.
Chamisa chu a elpui MDC a mi te chuan party thunun tuma beiah an puh a, hei vang hian hnawhchhuahin a awm zui a, a hnua court a inkhinnaah pawh a chak lo zui a ni.
Chung thil thlen hnu chuan a dinhmun a hniam duai tawha ngaih a nih laiin CCC dinin boruak a siam leh thei a. Parliamentary by-election hrang hrang neihah a party chu chakna chanpui thei zuiin hei vang hian an party colour chawia yellow revolution tia an sawi boruak a alh hle.
Kum 45-a upa Chamisa hian thalai thlurbingin auhla berah pawh Shona tawnga “ngaapinde hake mukomana” tih ‘let the boy in’ tih chu an aupui a.
Mahse kum 80 a upa ni tawh Mnangagwa ‘crocodile’ tia hriat lar Chamisa aia upa politics a inhmang tawh chu a hneh thei ang em tih chu zawhna a ni.
Khawpui leh thalai lamah chuan Chamisa chu a lar hle a, tun hnai kum hnih chhungin a larna a zual a, a mentor thin Tsangirai kalsanin identity dang a insiam bawk.
“Hun reilote chhunga opposition lian tak a siam thei hi hlawhtlinna turu tak a tling” tiin political scientists Alexander Rusero chuan a sawi a.
Tsangirai ang bawkin opposition hruaitu lawk nihna chu beih a tawhtirna niin Chamisa chuan tun hnaiah pawh meeting a neih tum 63 lai chu police ten an khapsak tiin a sawi a.
A party member te mana awmin a then thiamloh chantirin an awm a, heng te hi Chamisa chuan CCC tihchakloh tumna kalzel tiin a sawi a.
A nun laksaka vauna a tawh thu sawiin hei vang hian a fimkhur thu a sawi a. Kum 2022 pawh khan by-election campaign a neihnaah a convoy chuan beih tawkin a him hlauh thung a. Kum 2007 khan sorkar in opposition crackdown a neihnaah a l ah vuaksak niin a khi hial nghe nghe a ni. A hma pawhin tura hrai a nih a hlauh thu a sawi chhuak hial bawk.
Chamisa hi Church pastor ordain tawh ngat niin Living Waters Theological Seminary atanga graduate niin lawyer a ni tel bawk a. Chamisa social media timeline chu political commnetary leh biblical references a khat a ni bawk.
Charisma neiin chu chuan campaign a kalpuina lamah a thawhhlawk hle a, mahse chu chu a then te chuan an sawiselna leh a political game-plan vek an tihsak thung.
CCC te hian Chamisa an “strategic ambiguity” a tih chu an zawm tawp mai a. An aiawh thlan pwh an nei lo va, party strcuture emaw constitution tarlanna pawh an nei a. Huapzo taka citizens’ movement inti tawpin political party nihna aiin chu chu an sawi langsar zawk bawk.
“By-election a kan chkana khan kan party hi one-man band ni lovin organised tha tak a nih zia a pholang” tiin CCC thupuangtu Fadzayi Mahere chuan a sawi a.
Amah thlawp tu thenkhatte a bik takin social media influencer te chu an mangang tan thung tia sawi a ni a. Chamisa chuan ruling party te chu “social media kaltlangin bible chang nen” a tak (real life) aiah a hmachhawn an ti bawk.
Kum 2018 khan Chamisa chuan BBC tena an interview naah thalai la naupang tak nia African continent ah politics duhthlan tur dang pe tu nih a duh thu sawiin ‘strong men’ tia sawi fo chu ‘strong institution’ a thlak a duh tiin a sawi a.
Hei hi Zimbabwean politics thutchilh reng thin leh personality cult siamtu President Robert Mugabe te ang a sawina anga ngaih a ni.
Sawisel erawh a hlawh ve tho va. Presidential campaign hnuhnung ber khan Rwandan economic lama hlawhtlinna thlentu President Paul Kagame nen an titi dun thu a sawi chu Kagame chuan Chamisa nena inhmuhna an neih miah lo thu in a chhang thung a ni.
Hei bakah hian voters te hnenah President Mnangagwa an kum 2018 inthlanah vote 5% pawh a hmuh chuan a farnu chu Mnangagwa nupui turin a pe ang a tih chu sexist tia sawisel a ni bawk a.
Mahse hei hi a hnuah sawifiahin political baner a nih thu sawi zuiin inthlanna felfai leh thianghlimah chuan ni se an hneh ngei tur zia a sawina a nih thu a sawifiah a ni.