New Zealand in meizuk remti leh dawn

New Zealand sorkar chuan khawvel ram zinga meizuk khap hmasa ber a nihna chu hnawl tumin dan thar siam a tum a. Hei hi tax cut avanga fund mamawh phuhruk nana a tih a ni.
Jacinda Ardern kaihhruai sorkar lai khan dan siam tawhin kum 2008 kuma piang chin hnenah meizial lei tir khap tum a ni a. Kalpui tlang ni se chuan nakum atanga hman tan chiah tur a ni.
Meizuk chu New Zealand rama dan theih thihna thlen nasa tu ber a ni a, he policy in a tum ber chu naupang zawk tena mei an zuk lohna tura ruahmanna a ni.
Health expert te chuan sorkar hmalakna chu an sawiselna hle a. “Mak kan tiin pawi kan ti a, he thil hi hriselna lama hmalakna kawnga hnungtawlhna nasa tak a ni” tiin Prof Richard Edwards, tobacco control researcher and public health expert, University of Otago chuan a sawi.
“New Zealand a health group tin te chuan sorkar thutlukna siam chu an duh lo hle a, hnungtawlhna nasa takah an ngai vek a ni” tiin a sawi bawk.
Nikuma dana pawm a nih khan khawvel fak New Zealand in a hlawh phah hle a. Ruahmanna ang chuan generation thar tena mei an zuk lohna piahah New Zealand a tobacco product 90% a tihtlem tumna a ni bawk a.
Public health modelling chuan meizuk loh avangin kum khatah nunna 5,000 chhanhimin a awm thei an ti a. New Zealand dan siam entawn hian UK sorkar chuan September thla khan thalai naupang zawk tena mei an zuk a lo khap tawh bawk.
Medical expert ten health policy an fak laiin business group te news agents leh corner shop te chuan sorkar subsidy chung pawhin revenue an hloh hnem lutuk avangin an sawisel nasa ve hle thung.
Lawmaker zingah pawh tuna Prime Minister Chris Luxon te ang chuan meizuk khap chuan tobacco black market a ti nasa ting dawn a ti bawk a.
Mahse National Party te 14 October inthlana 38% vote hmu a chakna chang te chuan campaign an neih laiin Smokefree law te chu an hmer tel duh miah lo thung a. Finance Minister Nicola Willis in karkalta Inrinnia Smokefree law te chu hnawl a nih tur thu a sawi chuan health expert te a barakhaih hle a, sorkar thar chuan he dan hi a khawih danglam loh ring an ni.
Public health modelling kum 2022 a neihah chuan Smokefree policy chuan New Zealand health system ah kum 20 chhung velin NZ$1.3 billion vel a hum thei dawn an ti. Nikum chhung ngawt khan puitling 80,000 chuangin meizuk an bansan bawk a, population atangin 8% velin mei an zu thung.