National Highway-54 kawng zauh leh thawmthat hna kalpuina Project (Aizawl – Tuipang) chu Ningani khan Lawngtlai district bawrhsap Joseph H Lalramsanga hoin AOC Veng leh Thingkah inkara hmalakna endik a ni a. Bawrhsap office hotu dang leh NHIDCL general manager, village council leh Young Lai Association hruaitute an tel.
Thingkah leh AOC Veng inkara kawng zauh hna kalpui tan tawh si, zawhfel loh avanga tui lakna chatlak leh kawng khu avanga mipuiin harstana an tawh dan khawtlang hruaitute chuan lo thlenin, chak leh sawt zawka hma la turin NHIDCL hotute chu hrilh an ni.
Kristian-te hunpui a hnaih tawh avangin khawtlang tana harsatna leh buaina thlen thei zawnga hma la lo turin NHIDCL chu bawrhsap hian a chah a. Hemi kawng vilpui tur leh a tul apianga pui turin khawtlang hruaitute a ngen a ni.
Kawng endiknaah hian kawng zauhna atana ramin a huam chin (ROW), zangnadawmna dawng tawh, hnathawhna tur tithuanawp thei zawnga la insaseng lo te chu a rang lama insaseng tura hriattir an ni a. Lungawilohna nei chu an lungawilohna kimchang thuneitute hnena thlen tura hrilhhriat an ni.
NH-54 kawngpui zauh hna kalpui mek endik
Get real time updates directly on you device, subscribe now.
Prev Post