NHIDCL-in ni 10 chhunginkawngpui siamthat inbeisei

NHIDCL-in ni 10 chhungin
kawngpui siamthat inbeisei
Kawnpui to Sairang inkar kawngpui, National Highway 06 enkawltu National Highways & Infrastructure Development Corporation Ltd chuan ni 10 chhungin kawngpui chhe zual siamthat theih an inbeisei tih an sawi.
Chief minister thurawn angin Mizoram PWD hotute chuan Thawhlehni khan NHIDCL hotute chu Kawnpui leh Sairang inkar kawng chungchang sawiin an thutkhawm pui a. PWD secretary K Lalthawmmawia chuan, NHIDCL-in Kawnpui leh Sairang inkar kawng a siam chu an enkawl zui that tawk loh avanga kawng a chhiat thu leh tun dinhmunah hmanhmawh taka siamthat ngaia a awm thu sawiin, NHIDCL kawng thawmthat hna thawh pui turin Mizoram PWD ruat an ni a, kawng chhelai siamthat hna PWD department-in a thawhpuina atan cheng nuai 100 ruahman a ni tih a sawi.
NHIDCL New Delhi-a technical director chuan, kawng siamthat hna thawh a nih lai hian lirthei tlan dan mumal tak a awm a pawimawh tih a sawi a. PWD puihna leh traffic management tha tak a awm theih dawn chuan ni 10 chhunga siamthat theih a beisei tih sawiin, boruak chhe zual tur venna atan Mizoramah a rawn kal nghal dawn tih a sawi a ni.
A rang thei ang bera kawng chhelai siamthat thuai a nih theihnan hnathawh dan vil zui tur Kolasib bawrhsap kaihhruai Joint Operation Group din a ni.