Ni hnih awh School Connect hawng

Mizoram Youth Commission, Lynchpin leh ZALEN \angho buatsaih School Connect 2024 chu Ningani khan MYC chairman Malsawmzuala Ralte-in Chanmari YMA Hall-ah a hawng.
Zirlai kalkhawmte chu IG-a follower ngah ber, FB-a thil post te, reels siamte like tu tam tih vel tuipui a hlauhawm tiin a sawi a, “MYC-in hian coaching class \ha tak kan kalpui mek a, district dangah te pawh kalpui a ni. Mahni kea ding a, sum leh pai leh mamawh dang thawk chhuak turin T5 – taimak, tumruh, tei rei peih, thawhrimna leh time table neih te a pawimawh a ni,” a ti.
Zirlaite chu ei leh in, silhfen, in leh lo leh chhungkaw mamawh dang anmahni ngeia inngaihtuah a \ul hun a lo la thleng dawn tih a sawi a, chumi atan chuan School Connect programme hi a pawimawh hle dawn a ti a, nih tum la nei lote’n nih tum an neih a, an thlan fel ngei a duhsak thu a sawi bawk.
School Connect hawnna hun hi Zalen editor Vanlalrema Vantawl-in a kaihruai a, School Connect 2024-ah hian institution 12 bakah sawm bik Womens Polytechnic leh ITI, Aizawl te an tel thu leh he hun chhim tur hian school pariat sawm an nih thu a sawi.
He hunah hian mithiam te’n zirlaite an hmalam huna an kal dan tur an zirtir a ni.