Niger sipai ten ram dangte vau lawk

Niger military ruler-te chuan a \henawm ram leh international community te chu na taka sawiselin mipuite chu ram humhima chetla turin a ngen zui bawk.
General Abdourahmane Tchiani chuan tun hnaiah Niger a democratically-elected president chu paihthla in thuneihna a inpe a, foreign ram te chu an ram inrelbawlnaa inrawlh lo turin a vau zui nghal bawk.
“Niger mipuite chu \angruala kan mipui thawkrim takte tawrhna siamlo tur leh kan ram tingelnghet lo thei zawnga chetlakna do turin kan ngen a ni,” tiin General Tchiani chuan a sawi.
Niger’s presidential guard enkawltu ni bawk General Tchiani chuan President Mohamed Bazoum paihthlak a nih hnuah inthlanna huaihawta thuneina hlanchhawn a intiam bawk a.
A hma lawkin West African regional blic ECOWAS te thung chuan Bazoum chu house arrest a\anga chhuah a nih loha August 6 hmaa chhuah zalen a nih loh chuan sipai chakna hmanah an vau thung a. ECOWAS te hian Niger hi an hrek zui nghal tawh bawk.
Niger civilian sorkar paithlak hi khawthlang ramte chuan an dem nghal hle a, Niger hi jihadist nena inkaihhnawih al-Qaeda te leh Islamic State group te Africa a Sahel region a beihna kawnga an thawhpui rintlak ber a ni a. Chutih laiin heng bialah hian Russia leh Western ram te chuan firfiakte beihnaah chungnung zawk nih tuma hma an lak zui zelna a ni bawk.
France in Niger-ah hian sipai 1,500 vel dahin sipaite nena joint operation nei \hin niin United States leh European ram dang te pawhin Niger sipaite chu training te an pe bawk \hin.
General Tchiani chuan Niger chuan hun harsa a tawng mek dawn tia sawiin a rorelna dodaltute chuan hlutna an nei lo ti bawkin ECOWAS tena an hrekna chu dik lo leh thil la thleng ngai lo tiin a sawisel bawk.
Hetih lai hian French sipaite chu Niger a\anga lakchhuahin an awm mek thung a. Chutih laiin France, Italy leh Spainte bakah European ram dangte chuan an khua leh tui te an thiarchhuak mek bawk a.
Mi 1,000 velin Niger chhuahsan tawhin midang chhuahsan belh tur an la awm \euh tiin France ministry of foreign affairs chuan a sawi.
US pawh embassy staff te a lakchhuah tawh thu sawiin an embassy erawh hawn a la nih reng rih tur thu a sawi thung a.
ECOWAS tena Niger an hreknaah hian energy lam pawh telin Niger hian power 90% a hman dawn chu a \henawm Nigeria a\ana a chawkluh a nih avangin hrekna kalpui rei a nih chuan harsatna namen lo a tawk dawn tia sawi a ni.