Nigeria-ah puithiam telin mi 10 ru bo, pathum that bawk

Nigeria-ah puithiam telin mi 10 ru bo, pathum that bawk
Nigeria hmar lama Kaduna state-ah silai kengten zinga puithiam in an beihnaah mi pathum thatin Catholic puithiam leh mi eng emaw zat an hruai bo tih kohhran leh police-in an sawi.
Inrinni tuka Kauru district-a thleng hi tun hnaiah venhim hna thawktuten Kaduna-a biak in pahnih atanga inkhawm lai mi 166 an ruk bote hruai haw thei mah se heng lai vel venhimna that tawk lohzia lanna pakhata nia ngaih a ni.
Hetiang beihna thleng thin hi US President Donald Trump-a pawhin a ngaimawh a, Nigerian sorkar chu Kristiante hum zo lovah a puh a, Abuja erawh chuan a pha nasa hle a. US sipaite chuan Krismas ni tak khan Niferia hmarthlanga mi firfiakte hmun an bei nghe nghe.
Kafanchan Catholic Diocese chuan puithiam ruk bo hi Nathaniel Asuwaye-a niin Holy Trinity Catholic Church, Karku-a parish priest niin mi dang 10 nen ruk bo an ni tih a sawi.
Diocese chuan zing dar 03:20 (India-a Inrinni zing dar 07:50) vela beihnaah hian ina lo awm mi pathum thah an ni bawk tih an sawi.
Kaduna police thupuangtu chuan thil thleng chungchang hi puang ruk bote hi mi panga an ni thung niin a sawi a, mi thah pathumte hi venhim hna thawktute niin a sawi bawk.
“Security agent-te hi bandit-te nen an inkap a, an zinga mi thenkhat pawh an that a. Vanduaithlak takin sipai pahnih leh police officer an thi ve a ni,” a ti.
Mihring dikna chanvo humhalhtu pawl, Amnesty International chuan Pathiannia thuchhuah an siamah Nigeria-a ‘himna chu a derthawng ta lutuk’ niin an sawi a. Sorkar chuan an ram hmar lam hi ‘a ngaihsak tawk lo’ nia sawiin mi sualte lakah civil mite thah, ruk bo leh thingtlang mite an rikrapna an venghim zo lo tih an sawi.
President thupuangtu erawh chuan engmah a la sawi lo.
Kar tina St. Peter’s Square thuchah a sawi thinah Pathianni khan Pope Leo chuan Nigeria-a Kristiante beihna thlengte hi a sawi chhuak a. “Thuneituten hma lain civil mite himna leh venna tha tawk a ngaihtuaha a ngaihsak zel ka beisei,” a ti.