Nobel Foundation-in sawmna hnukdawk

Nobel Foundation chuan kumin Stockholm-a award ceremony neih tura Russia, Belarus leh Iran a sawmna chu sawisel nasat viau a nih hnuah a hnukdawk.
“Nasa taka sawisel a ni tih kan hria a ni” tiin Nobel Foundation te chuan an sawi a. Russia leh a thian tha Belarus te chu nikum pawh khan Russia-in Ukraine a run vangin sawm an ni tawh lo va, Iran chu a human rights record avangin sawm a ni lo.
Ukraine chuan kumina Nobel Foundation thutlukna chu natakin a sawisel a, Nobel Foundation tena an thu an sut leh pawh ‘humanism tam hnehna’ tiin a fak zui a ni.
Award ceremony hi Stockholm ah 10 December a neih tura a ni a, he mi ni hi Nobel siamtu ber Alfred Nobel thih champha a ni.
Sweden king chuan medicine, physics, literature leh economics a Nobel dawng tur te hnenah award a hlan thin a. He mi ni vel hian Nobel Peace Prize ceremony pawh Norwegian capital, Oslo-ah neih a ni bawk thin.
Nobel Foundation te chuan a hmaa thutlukna an lo siam chhan sawifiahin Nobel Prize dinna hlutna chu chiang takin a zau thei ang bera an kalpui thu sawiin entir nan nikumah pawh Russian leh Belarus mai bakah Ukrainians te human rights fighters te Russian war crimes document siamtute hnenah peace prize hlan an ni, tiin a sawifiah thung.