Nuai 14 ve ve luman nei Maoist hmeichhe pahnih that

Nuai 14 ve ve luman nei Maoist hmeichhe pahnih that
Maoist hmeichhe pahnih, an luman Rs nuai 14 chhiar ve ve chu Nilaini zing khan Madhya Pradesh-a Mandla district-a police nen an inbeihnaah thah an ni tih thuneitu sangin a sawi.
Inkahna hi Bichhiya Police Station huam chhunga thleng a ni tih Director General Police (DGP) Kailash Makwana-a’n a sawi.
An ruang hmuh rual hian self-loading rifle (SLR), rifle pangngai, wireless set leh ni tin mamawh thil hmuh tel a ni a, an thiante dang zawn hna thawh zui nghal a nih thu a sawi.
Madhya Pradesh Chief Minister Mohan Yadav chuan Maoist thah takte hi an luman Rs nuai 14 chhiar lai ve ve an ni tih a sawi.
“Huaisen taka beitu kan sipaite ka lawmpui a. He hlawhtlinna hi Prime Minister Narendra Modi leh Union Home Minister Amit Shah kaihhruaina hnuaia March, 2026 atanga Naxal awm lohna India siam tumna hmalakna a ni,” a ti.
Ram leh Madhya Pradesh chu firfiakna, Naxalism leh kal uchuakte awm lohna a ni dawn tih chief minister hian a sawi bawk.
Police hotu sang chuan Maoist thah takte hi an pawla MMC (Madhya Pradesh-Maharashtra-Chhattisgarh) zone-a KB (Kanha Bhoramdev) Bhoramdev Area Committee member ve ve an nih thu a sawi.
Kanha National Park huam chhunga Mundidadar-Ganeridadar-Parsatola ramngawah Maoist an awm tih thu an dawn bawhzuiin venhim hna thawktute hi an thawk chhuak a. Maoist-te hian lo kap hmasain venhim hna thawktute zinga hliam leh an hmanraw chhuhsak pawh an awm a. An beih letnaah hmeichhe pahnih hi thah an ni ta tih a sawi.