Nute hmingin thing phun

Nute hmingin thing phun
United Nations kumpuan – International Year of Cooperatives 2025 hnuaia an hmalakna peng pakhat, Ek Ped Maa Ke Naam (nu hminga thing phun) pualin Thawhlehni khan Cooperative Society registrar office chuan Mizoram Milk Producers’ Cooperative Union (MULCO) Complex Thuampui Aizawl-ah hun an hmang.
Hmanpuitu Cooperation minister PC Vanlalruata chuan nu hminga thing phun tihlawhtling tura Cooperation department, cooperative society leh federation hmalakna fakawm a tih thu a sawi a. Khawvel nuam zawk leh boruak tha zawk siam chu cooperative thil tum pawimawh a ni tih a sawi.
Mizoramah pawh cooperation movement tih hmasawnnan tan lak tlan a pawimawh, tiin, International Year of Cooperatives pual hian thing phun mai ni lo, thisen pek runpui emaw eizawnna miten an neih theihna tur thil emaw thalai tam zawk cho chhuak tur thil tha dang tihchhuah kawngah ngaihtuahna seng zel turin Cooperative hruaitute a fuih.
Ek Ped Maa Ke Naam hi district hrang hrangah kalpui niin district cooperative officer-ten thing an phun tawh a ni.