Official-ten gender budget zir

Directorate of Women & Child Development huaihawtin gender budgeting chungchangah sawrkar department hrang hranga training pe leh chhawng turte hnenah an hriat tur inzirtir a ni.
Sustainable Development Goals (SDG) 17 zinga 5-na chu intluktlanna (gender equality) a ni a, SDG hmachhawp zingah kum 2030-ah chuan hnufual bik awm loa intluktlan theihna tura hma lak a ni. Hmeichhia leh mipa intluktlan theihlohna kar la awm hnawhkhah a nih a, a inchenlote inchen tir a nih theihna turin gender budgeting hi a tangkai hle dawn tih Social Welfare, Tribal Affairs, Women & Child Development additional secretary Donnie chuan a sawi.
WCD director Zoramthangi Chhangte chuan sawrkar department tinten an ngaihthah theih loh tur leh ralbang bik awm thei lo tura an tan tlan a ngaihna chu gender budgeting hi a ni, tiin, hemi atana hma la tur nodal department chu Women & Child Development niin, Mizoram state pum atana gender budgeting-a nodal officer turin W&CD director chu sawrkar pawmpuinaa ruat a ni a, tunah hian department tina Gender Budget Cell din a nih theihna’n chak takin hma lak mek a ni tih a sawi. Ramin hma a sawn theihna tur chuan a hmei a pa, naupang atanga puitling thlengin tlabal bik lai awm loa an mamawhna zawn theuha tih chak an ngai a, chumi tichak tur chuan gender budgeting hi a pawimawh hle tih a sawi a ni.
Training hi department tina Gender Budget Cell-te tana buatsaih niin, hemi lama mithiam thlanchhuahten an zirtir a ni.