One Direction ‘Night Changes’ music video-in 1B view kai

One Direction ‘Night Changes’ music video-in 1B view kai
One Direction chuan YouTube-ah music video vawi tluklehdingawn en hlawh thei an neih belh leh ta a, an hla ‘Night Changes’ music video he mellung pawimawh hi a thleng ve leh ta a, YouTube-ah music video vawi tluklehdingawn en hlawh thei pali an nei tling ta a ni.
‘Night Changes’ music video hi Ben Winston direct niin, November 2014 khan YouTube-ah an upload a. A video-ah khan fan-te duhthusam hrang hrang an thlen dik tir lai vel tarlan a ni a, restaurant-a Zayn Malik an chawlhpui lai te, Harry Styles an ice skating pui lei ta, Louis Tomlinson an zin pui lai ta, Niall Horan nena meilum ai lai te leh carnival a Liam Payne an kalpui lai te pawh tarlan a ni.
Chutah thil a kal sual ta a, Malik-a lu a a date-in spagetti a bun lai te, Styles a inhliam lai te, kawngsira police-in Tomlinson an man lai te, Niall Horan kawrum a kang lai te leh Liam Payne a date lukhum-a a luak lai te a rawn lang leh a.
He hla i an studio album palina ‘Four’ atanga an single niin, a hla hian a lar vanglaiin Billboard Hot 100 (singles) chart-ah No.31 a kai thei nghe nghe a ni.
Nikum October thlaa Buenos Aires, Argentina-a a thlenna hotel bathlar atanga thla a, Liam Payne a thih hnu khan he hla hi stream a pung hluai a, Liam thih hlimchhawnah khan streamung 416%-in a pung nghal a, Billboard Global 200 chart-ah a rawn lang pha leh hial a ni.