Oscar stage-ah saruakin John Cena a inlan

2024 Oscar outfit sawi hlawh ta ber chu John Cena a ni chiang e. He wrestler, lemchan lama kal ta hi nimin tuka Dolby Theatre, Los Angeles-a Oscar Award semnaah Best Costume Design award hlantu tur a ni a, mahse, stage-ah saruakin a rawn chhuak ta teu teu mai. A pawimawh lai erawh award dawngtu inziahna envelope lian lo takin a khuh tat tat a.
John Cena hian Birkenstocks, chapal a bun tih loh chu thawmhnaw engmah inbel lo angin stage-ah hian a inlan a (backstage thlalakah a pawimawh lai khuh turin taksa rawng kekawrte a ha lai hmuh tur a awm thung). Cena hi show host Jimmy Kimmel nena incho phur vel an ni awm a, an tum dan takah phei chuan Cena hi streaker anga stage-a tlankual tur a ni zawk a.
Cena chuan Jimmy hnenah, “Ka rilru ka thlak streaker ang tih vel kha chu ka duh leh lo. |hianpa, a dik thei lo. Event zahawm tak a ni si a. Tih tak takah chuan hetia idea thing lutuk i rawt chhuak hi nangmah kha zak ru viau tur i ni maw le,” a ti a.
Nominee-te screen-a an lan laiin Cena hi khawilaia an puanzar emaw ni awm taka inkhuh thain award a hlan ta a ni.