Pakistan inthlang tur inpuahchah nasa hle

Pakistan Prime Minister Shehbaz Sharif chuan Finance Minisetr Ishaq Das chu caretaker Prime Minister atana ruat a nih loh tur thu sawiin inthlanpui langtlang a awm theih nan interim sorkar kaihruai turin ‘neutral mi’ ruat a niang a ti.
Shehbaz Sharif, Pakistan Muslim League-Nawaz (PML-N) party president ni bawk chuan Nawaz Sharif, prime minster tum thum ni tawh leh a u ni bawk kum 2019 atanga London a tlanchhia a cheng char char chu Pakistan-ah a lo let leh ang tiin a sawi.
Kum 73-a upa PML-N supremo chu an party-in chakna inthlana an chang a nih chuan Prime Minister a ni ang tiin a sawi bawk.
Geo News hnenah lower house of parliament hun tiam zawh hma in National Assembly (NA) thiahna chu President Arif Alvi pawmpui tura thawn a nih tur thu a sawi bawk a. NA chu August 12 zanlai dar 12 a tawp tawh tur a ni bawk.
Caretaker sorkar chu allied party te leh PML-N supreme leader Nawaz Sharif tena sawihona an neih hnuah leader of oppsoition Raja Riaz te enna sawihona neih leh hunah tihfel a ni ang, a ti bawk.
A hmain Dar chu interim prime mnister atana ruat a nih chuan IMF atangin $3 billion bailout atan dawng thei dawnin Pakistan-in sum lama harsatna a neih nasat lutuk chhawk zangkhaina awm dawn tih thuthang a awm a, mahse, hei hi PM Shehbaz chuan a hnawl a.
“Sorkar kaihhruai turin neutral mi a awm ngei a ngai a, tichuan inthlan result-ah tumahin sawisel an nei thei dawn lo a ni,” tiin PM Shehbaz chuan a sawi a. “Centre ah interim sorkar tha taka awm ang,” tiin a sawi bawk.
Inthlan atan PML-N te chuan allied party te nen seat an insem tur thu sawiin an party chuan consensus an neih theih lohna hmunah te chuan candidate an dah tur thu a sawi bawk a.
Chutih rual chuan PML-N supremo Nawaz Sharif chuan Pakistan a let leh hunah dana hmachhawn ang a ti a. Nawaz Sharif hi kum 2017 khan Supreme Court chuan a disqualified tawh a ni a. Kum 2018 khan Panana Paper case ah Supreme Court-in thiam loh chantirin dam chhunga public office luah thei lo tura siam a ni.
November 2019 atang khan PML-N supreme Nawaz Sharif hian United Kingdom panin a tlanchhia a, a la awm ta char char a. London a pan hma hian Lahore High Court chuan Al-Azizia Mills corruption case-ah kum sarih lung in tang tura a tih mek lai a ni bawk.
Mahse, tunah a unaupa chuan an party-in chakna an chang a nih chuan Nawaz Sharif chu prime minister a ni ang, a ti a ni.
Shehbaz Sharif chuan Pakistan Tehreek-e-Insaf (PTI) chairman Imran Khan chu ‘Black Day’ riot ‘mastermind’ tiin a sawi a. Kha tharumthawhna kha military leadership tihtawpa civil war tihchhuah tumna a ni tiin a sawi bawk.
“Prime Minister kan nih angin finfiahna kan neih atangin May 9 a thil thleng kha army chief paihthlak tumna liau liau a ni. Khami ni khan anarchy dina ram chhunga civil war tihchhuah tum a ni,” tiin a sawi.
May 9 khan April 2022-a no-trust move hmanga nawrchhuah Imran Khan chu National Accountability Bureau (NAB) tena Al-Qadir corruption case-a an man hnuah ram chhung hmun hrang hrangah lungawi lova tharum thawhna nasa tak a thlen phah a ni.
Kha tharumthawhna avang khan mi pakhatin nunna chanin chu mai bakah PTI supporter te chuan public leh military property te beiin an beih zingah hian Rawalpindi a general headquarter bakah Lahore Corps Commander House te pawh a tel a ni.
Mi 10,000 chuang man niin Punjab province a man tawk phei chu 4,000 an kai a. Army te chuan miltary hmun bik beitute chu military court-ah an chungthu ngaihtuah tur a ti bawk.
Kha tharumthawhna avang khan army te chuan official pathum banin an zingah Lieutenant General pawh a tel a, army officer 15 te lakah hremna na tak kalpui a nih phah hial bawk.