Pakistan leh Afghanistan buainaah mi 42 thi tawh

United Nations Assistance Mission in Afghanistan (UNAMA) chuan February 26 leh March 2 inkara Afghanistan leh a thenawm, Pakistan inkara buainaah civil mi 42 vel an thi a, mi 104 an hliam tawh bawk niin a sawi a. Thawhlehni kha buaina chhuah ni rukna a ni tawh.
Asia chhim lama Islam ram pahnih sipaite hi Thawhtanni pawh khan an inbei nasa hle a. Afghanistan chuan Kandahar biala Pakistan post dang a lak leh thu leh a hmaa tangrual thin, tuna hmelma ni tate inkara inbeihna chu ‘a la kal zel’ tih a sawi.
UN agency chuan, “Civil mi thi zingah hian ramria inkahnaah thite pawh a tel a… chubakah thlawhna hmanga beihna avanga thite pawh a tel,” a ti a, a zat hi ‘hriat hmasak’ chauh a la nih thu a sawi bawk.
Kum tam tak chhunga ram pahnih inkara buaina nasa ber hi kar hmasaa Afghanistan-a Taliban roreltuten Pakistan-in an rama helho a beih chhan let nana Pakistan hmunhmate beia a kah atanga intan a ni.
Afghanistan hian Pakistan sipaiten an civil mite an bei niin a sawi a, hei hi Islamabad chuan a pha thung.
Islamabad hian kar kalta chhung khan Taliban sipai hmunte chu boruak atanga khawmual kahna missile-in a kap a, an thenawmah hian Pakistan beitu firfiak an awm nia a sawi hnua Taliban sorkarna ram hi a vawi khat nan a bei a ni.
Pakistani sipaite chuan thlawhtheihna hmanga beihpui thlakna hlawhtling tak, Nangarhar province-?a sipai hmunpui an tihchhiat thu Pakistan venhim hna thawktu thuneitute chuan Thawhlehni khan an sawi ve bawk.