Pakistan mipa naupangin Koala Challenge record siam

Mihring taksaa lawn kawl rang thei ber record an ti a, hetiang hi Koala Challenge an ti mai thin, COVID-19 vanglai khan a rawn lar hluai tawh bawk. Tichuan le, Pakistan mipa naupang, Sufiyan Mehsud, Waziristan a cheng, mipa naupang kum 5 mi chuan ‘Mihring taksa a lawn kual rang’ record a rawn siam ta. Second 7.87 chhuangin a lawn kual chhuak hman a, a hmaa hetiang record chu Indian athlete M.V. Arjun Priyan siam niin, a record chu second 9.78 a ni.
Koala Challenge hi thil awlai lo tak a ni a, mipakhat a ding a, a ban sir lama phar chuakin, a malpui tizawkin a ding kak hniam deuh a, chutah chuan lawn kual tur a ni. A hmasa berah a hmalam atanga lawnin, a zak hnuaiah lut kualin a taksa a vet kual tur a ni a, chumi hnuah a koki-ah lawn liamin, a hnungzang lamah chhuk thlain a kap karah rawn chhuak leh tur a ni. Hetianga a lawn kual lai hian engtinmah lo tanpui loh tur a ni a, a taksain lei a tawk tur a ni lo bawk.
Sufiyan hi a pa Irfan Mehsud nena record siam an ni a, a pa taksaah hian a lawn kual ta a ni. Heti ian Sufiyan hi Pakistani zinga Guinness World Record siam thei naupang ber a ni a, a pa pawh hian Guinness World Record 100 chuang a lo siam ve tawh bawk a ni.