Pakistan rally bomb puak vangin mi 44 thi

Pakistan-a Islamist party tena political rally an huaihawtnaa bomb puakah mi 44 an thi.
Mi 100 chuangin hliam tuarin rally neihna hi north-west Bajaur disrict ah niin helai hmun hi Jamiat Ulema-e-Islam-Fazl (JUI-F) tena meeting an neih mekna a ni.
Police-te chuan bomb puak chu a landanah suicide attack ni ngeia an ngaih thu an sawi a. Rescue operation pawh neih fel tawh niin hliam tuarte pawh damdawi ina enkawl mekin an awm tawh a ni.
Officials te chuan nunna chan an la pun theih thu sawiin mi 15 chu dinhmun derthawng takah an awm mek tiin a sawi a.
Eng vanga bomb hi tihpuah nge tih hriat a la ni lo va. Security forces te chuan bomb puahna hnaih tin te chu khar phui vekin investigation an nei nghal bawk.
Bomb hi Pathiannia Khar khuaa JUI-F worker convention neihnaa kal pungkhawm mi za tel tehmeuh te laka thleng niin helai hmun hi Pakistani tribal district Bajaur, Kyber Pakhtunkhwa province, Afghansitan nena inrina bul lawka awm a ni.
Bomb puak avang hian JUI-F regional leader Maulana Ziaullah pawh a thi a. JUI-F hi religious political party te niin Pakistan parliament a coalition sorkar-ah pawha tel thin tawh an ni.
Pakistan Prime Minister Shehbaz Sharif chuan firfiakte chetna chu a dem thu sawiin heng mite hian ‘Islam, Quran leh Pakistan tana tawng chhuakte an bei a ni’ tia sawiin thil tisultute lakah hremna lekkawh a ni ang tiin a sawi bawk a.
“Firfiakte hi Pakistan hmelma an ni a, kan tingmit hmak ang,” tiin PM chuan a sawi bawk.
Tute mahin pawikhawihna chu an tih a nih thu an la sawi lo chungin tun hnaia helai bial vela tharumthawhna te chu Islamic State group (IS) te chuan an tih a nih hnu an lo sawi tawh thin a, JUI-F te pawh an lo tum tawh bik thin a ni.