February ni 3 – 5, 2023 chhung khan Visakapatnama-ah 39th National Junior Taekwondo Championship neih a ni a. Mizo aiawh a khel ten Gold Medal pakhat leh Bronze pakhat an la.
-- Advertisement --
Gold medal hi Pansy Rampanzeli leh Joseph Vanlalpekhlua ten Poomsae Pair inelnaa an lak a ni a. Pansy hian Individual inelnaah Bronze medal a la tel bawk. Tin, he championship a referee official a kal, National Referee C.Lalzuitluanga chu best referee of the Tournament atan thlan a ni bawk a ni.
State 32 bakah services team telna Championshipah hian Mizoram Amateur Taekwondo Association chuan player pariat an tir a. Kyorugi inelnaah hian player paruk telin R.Lalremsanga Chawnpui leh Malsawmtluangi Armed Veng South te chuan Quarter final thleng mah se, medal an la zo ta lova, Poomsae inelnaah player pahnih telin Individual mipa leh hmeichhia bakah pair-ah an tel nghal a ni.
Poomsae Pair Inelnaah hian pair 29 telin Pre-quarter-final, Quarter-final, Semi-final te paltling finalist mi 8 inel zingah a thiam ber niin Gold an la ta a ni.
Mizoram team hi Lalduhawma Armed Veng South leh Doris Lalhmangaihzuali Kanan Veng ten an hruai.