Paralympian-in pheikhawk khingkhat chauh leitir turin Nike a nawr!

Hmeichhe ke lehlam bul infiammi (field paralympian) Stef Reid-i chuan Nike hoin an thilsiam promote-na atana milim ke bul lem (amputee mannequins) an showroom-a tarchhuak chunga pheikhawk khing chauh hralh an remti leh si lo chu na taka sawiselin, sports bungraw siamchhuaktu lian chu ke bulte tana pheikhawk pair zel hralhchhuah (running shoes in pairs) an chin chu sim tur leh a khing khat chauh hralhchhuak turin a ngiat.
Infiamna chawlhsan tawh Reid-i chuan BBC hnenah company-te chu an daihzaizia leh tihbik an neih lohzia pholang tura a duh thu hrilh chungin, “Infiamna chu a hobby a la nih zui zel avangin chumi atana insenso chu pawi a la ti lo tih a sawi zet a, mahse, a khing chauh lei a ngai zel erawh a hriatthiam loh thu a tarlang tel a, chumi chungchang chu Nike ena sawiho pawh a duh thu a tarlang tel.
Nike lam pawhin pheikhawk khing lehlam chauh hralhchhuah chungchang a rawn tharthawh chungchangah Reid chu lawmthu an hrilh a, remchanna thar ngaihtuah an hreh loh thu leh US chauha an scheme kalpui pakhat One Shoe Bank programme an tih kaltlanga ngaihtuah an tum thu an tarlang tel nghal.
He scheme hnuaiah hian Nike chuan single-leg amputee-te hnenah kum tin a thlawnin free trainer pheikhawk an pe thin a ni.
A chawlh hmaa Canada leh Great Britain tana inelna hmachhawn thin Stef-i hian tleirawl a nih laiin accident a tawhna lamah a ke dinglam a chan a, chuti chungin Paralympics-ah ram tan Beijing 2008, London 2012 leh Rio 2016-ah khan a inlan a, category T44 long jump leh sprint event chu a chhuah thinnna a ni.
Mite fuihphurtu (motivational speaker) ni zui ta Stef hian F44 long jump lamah Paralympic silver medal pahnih la hmanin, kum 2017 khan world champion a lo ni ve tawh nghe nghe.