Paratha lian ber an siam

Amritsar-ah chuan Rangla Punjab festival an hmnaah khawvela paratha lian ber an siam a, he paratha hi feet 8×4 a lian niin, kg 37.5 a rit a ni.
Record hi February ni 28-a an siam kha niin, Rangla Punjab festival-ah Food Mela an nei a, chutah chuan Taj Swarna a chef pariat ten he parantha lian hi an siam ta a ni. Guinness World Record siamna tur khawpa paratha lian siam tum chu thil hautak ve fê a ni a, ni riat chhung an lo inbuatsaih lawk a, Guinness inkaihhruainaah hian record siamna tur khawpa parantha lian chu a lo berah kg 32 a rit a ni ngei tur a ni. Paratha chu lian ringawt mah se record siamna tura chuan a hmin tha, ei theih a ni ngei tur a ni bawk.
Record siam tuma inbuatsaih te chuan an inzir laiin a tirah kg 4 a rit siam pawtin, chutah an tilian telh telh a, kg 13 a rit a siam hnuah record siam turin an thawk chhuak ta a, kg 37.5 a rit an siam thei ta a ni.
He paratha lian siam nan hian chhangphur quintal sarih chuang an hmang a, a kanna tur thirbel pawh kg 14 a rit niin, a bik takin Delhi-ah an siam tur a, gas thuk pawh 14 an hmang a, a parantha nuai nan rolling pin kg 22 a rit an hmang bawk. Heng chef pasarih te hian darkar khat leh a chanve chhungin he paratha lian hi an siam zo hman a ni.