Paris 2024 medallist-te hawn tur Eiffel Tower!

Kumin nipui thawt lai July ni 26 atanga August ni 11 chhung hian Paris khawpuiin Olympic Games a thleng dawn a, he ta medal late chu France ram chhin-chhiahna lian Eiffel Tower them an hum-haw tir theuh dawn!
He thu hi Ningani khan organiser-te chuan puangin, kil nga nei medal (hexagon-shaped medal) an tlangzarh tak chu Eiffel Tower thuam-thatna’na an hman thin thir hlawm warehouse-a kum tam tak an lo dah tawh kha a ni a, medal dawngtute chuan Eiffel Tower them an hawn dawn a tih theih ta a ni!
Paris 2024 creative director Thierry Reboul chuan chu thil an rua-hman chhan chu sawi-fiahin, France chhin-chhiahna leh Games thlunzawm an duh vang niin a sawi a, Eiffel Tower chu Paris leh France ‘symbol’ a nih thu a tarlang tel.
Paris Games-a an medal semchhuah tur duangtu hi tlereuh chhertu (jeweller) Chaumet niin, kil nga nei medal hi gram 18-a rit niin, a siamna thir an dahthatna warehouse hi thup tlat a ni a, France mipui nawlpuiin a awm-na lai an hre thei lo.
Medal hnung lamah chuan Greek-ho hneh-na pathiannu Nike lem leh Greece-a an hmun hmingthang Acropolis lem a chuang a, hmai lehlamah Eiffel Tower lem a chuang bawk.
France rama an thirchherna hmunah hian Olympic-a sem-chhuah tur medal hi 5,084 siam a ni.