Parliament special session agenda turte

Parliament Special Session of Parliament September 18 atanga 22 chhunga neih tura agenda tur te chu Parliamentary bulletin chuan tarlang tain a nikhatnaah House pahnih chuan Parliament kum 75 chhung zinkawng Constituent Assembly-in December 9, 1946 a thutkhawmna an neih hmasak ber atanga kal chho zel dan sawihona neih a ni ang.
Rajya Sabha leh Lok Sabha tena bulletin an tihchhuahah September 18 thutkhawm nikhatnaah “Parliamentary Journey of 75 years starting from Samvidhan Sabha – Achievements, Experiences, Memories and Learnings” tih chu sawihona neih a ni ang an ti a.
Sorkar chuan special session-ah parliament building tharah insawnpui dawn bawkin May 28 khan hawna ni tawh chungin building thar chu Monsoon Session ah khan hmana ni lo va, eng vangin nge hman a nih loh sawifiahna a awm lo.
Rajya Sabha bulletin chuan Bill pathum special session ah ngaituahho a ni ang tiin : the Post Office Bill, 2023; the Chief Election Commissioner and Other Election Commissioners (Appointment, Conditions of Service and Term of Office) Bill, bakah The Repealing and Amending Bill, 2023 te ngaihtuah a ni ang tih a ni a.
Election Commissioners leh Post Office legislation bakah Lok Sabha chuan Bill dang pahnih : The Advocates (Amendment) Bill, 2023, keh Press and Registration of Periodicals Bill, 2023 bill a ngaihtuah bawk dawn a ni.
Union Parliamentary Affairs Minister Pralhad Joshi chuan Sepcial session neih hma September 17 ah Parliamentary floor leader all-party meeting a ko bawk a ni.
Parliament thutkhawm nikhatna agenda tur hi Opposition tena special session business sawichhuah an ngiat nasat em avanga pholan nia ngaih a ni a. Congress Parliamentary Party leader Sonia Gandhi chuan Prime Minister Modi hnenah lehkha thawnin ngenna a siam a ni.
Parliamentary bulletins chungchangah Congress party communications chief Jairam Ramesh chuan, “A tawpah chuan Sonia Gandhi in Prime Minister hnena lehkhathawn hnuah September 18 a Special Session neih turah agenda sawichhuah a nih phah a ni. Tuna agenda tihchhuah tawh te hian a vaiin November-a Winter Session an nghak thei vek,” tiin a sawi bawk.
Mahse, Opposition te chuan sorkar chuan engkim a la sawi lova an ngaih thu an sawi thung a. “An tih thin dan ang bawkin legislative grenade la sawi loh an la neih kan ring tlat a ni,” tiin Ramesh chuan a sawi bawk a. INDIA party te chuan CEC Bill chu an dodal tlat tur thu a sawi bawk.