Pavalai Pawl intawhkhawm tiak

Mizoram pum huap Presbyterian Kohhran Pavalai Pawl Intawhkhawm vawi 6-na chu Zirtawpni atang khan East Lungdar-ah tan a ni a, Pathianni zan thleng a awh.
Intawhkhawm thupui “A chhe lai siamthatu” tih chu speaker, Synod senior executive secretary Rev. C. Zorammawia’n Pathianni chawhma, chawhnu leh zan inkhawmah a sawi a. Zirtawpni zan khan Synod moderator Rev R Vanlalnghaka’n thuchah sawiin, Inrinni chawhmaah Revival director Rev RC Lalnghakliana’n thuchah a sawi a, chawhnu-ah zaikhawmpui buatsaih a ni a, zanah committee member Rev. R. Lalnuntluanga’n thuchah a sawi bawk.
Intawhkhawm chhung hian inkhawm apiangin zaipawl a awm a. Mizoram Synod Choir bakah bial leh kohhran hrang hrang Pavalai Zaipawl an zai a ni. Ram pum huap Kohhran Pavalai Pawl Intawhkhawm vawi 6-na pandal-a neih hi a tum khatna a ni a, Kohhran Pavalai Pawl hi Synod Revival Deptartment-in a enkawl a ni.
Mizoram hmun hrang hrang atanga kal palai hi, inziaklut chin pawh mi 5962 an ni.