PC-in candidate nei dawn lo Aizawl W-II ah MNF pui dawn

MLA inthlanpui neih turah People’s Conference party chuan candidate an nei dawn loa, Aizawl West-II bialah chuan PC Thalaiin MNF candidate an pui dawn.
Aizawl West II PC Thalai adviser VL Thazova chuan Aizawl West II biala MNF party candidate Lalruatkima chu an bial chhung mi a nih bakah hnam hmangaihna rilru pu, a vanglai hun pum ram leh hnam tana pe pumhlum nia an hriat avangin West-II PC Thalai chuan an thlawp dawn tih a sawi.
Hemi avang hian PC party chuan bial tinah MNF candidate-te an thlawp vek tihna a ni, tiin, bial dangah chuan BJP tih loh party dang zawng chu an pui thei tho niin a sawi.
Zawhna chhangin PC Gen. Hqrs. general secretary ni bawk VL Thazova chuan, kumin MLA inthlanah hian an party chuan bial 3-4 velah candidate neih tum deuh mah se, chhan hrang hrang vangin candidate neih leh lo mai an rel tawh niin a sawi a. Tuna party dang nena an thawhhona chu ‘secular alliance’ niin, ‘electoral alliance’ a ni lo tih a sawi a ni.