Peru PM Alberto Otarol bang

Peru Prime Minister Alberto Otarol chu a thuneihna leh thiltihtheihna hmeichhe pakhatin sorkar contract liantham a neih theih nana a hmanga puh a nih hnuah a bang.
He scandal hi karkalta khan Peruvian TV broadcaster te chuan Otarol leh hmeichhe pakhat inbiakna audio clips chu an tihchhuah hnuah a tlangthang ta vak a ni.
Kum 57 a upa Otarol chuan engmah tihsual a nei lo tiin a sawi thung a. Mahse, chhuichianna nei turin sorkar chuan thutlukna siam zuiin chhuizui a ni nghal thung.
He audio clip a hmeichhe pakhat Otarol an a biak hi kum 25 a upa Yazire Pinedo a ni a. Pinedo hnenah hian kum 2023 khan defence ministry chuan contract pahnih chuta tang chuan $14,000 lawih hlawkna a chang a ni.
Otarol hi kum 2022 tawp thleng khan Peru defence minister a ni a, President Dina Boluarte an thuneihna a chna hnuah Prime Minister a hlankai a ni.
Audio clips tihchhuahah chuan Otarol chuan Pinedo chu a hmangaih thu sawiin a CV thawn turin a ti zui bawk a.
A hma erawhin Otarol chuan Pinedo chu tum khat meeting neihnaah a hriat chauh a nih thu sawiin a thusawi a inkalh zui a ni.
Pinedo thung chuan Otarol nen chuan hun reilote an inkawp tawh thu a sawi thung a. Mahse, he audio recording hi kum 2021 daih ami tawh kha niin Otarol cabinet minister a nih hma nia ngaih a ni.
Tichung chuan President Boluarte chuan Otarol chu Canada official duty a a tlawh mekna ata ko haw in chumi hnuah banna thehluhin a zui ta a ni.
“Sorkar atanga min paihchhuah duh tute chuan ka hmel tihbalh nan audio edit a thehdarh pawh an hreh lo zel a ni” tiin Otarol chuan a banna thehluh hnuah a sawi.
Otarol an a ban theih nana hmala tu zinga a sawiah Prime Minister hlui Martin Vizcarra pawh telin mahse Vizcarra chuan chu puhna chu nataka a hnawl thu a sawi thung.
Peruvian law ang chuan peru cabinet member 18 te chuan Otarol an banna a thehluh avangin an ban vek a ngai bawk a. Mahse, President chuan a duh a nih chuan cabinetr te chu a la ruat leh thei thung.