PM Modi-an Adani te a chhuitir ngai dawn lo
Congress rorelna state-te chu ‘government of Adani’ aiah ‘government of poor people’ te rorelna a ni tia sawiin Congress leader Rahul Gandhi chuan Prime Minister Narendra Modi chuan Adani group te lakah inquiry a kalpui ngai dawn lo va ‘Adani Group te tibuai ngai lovin midangte erawh a tibuai ang’ tiin a sawi.
Heng thute hi Gandhi hian Nava Raipur mela ground-a event neihna Rajiv Yuva Mitan Club, Bhupesh Baghel kaihhruai sorkarin Chhattisgarh a local sports leh culture lam tihhmasawn nana thalaite puala ruahmanna a siam a ni a.
Rajiv Yuva Mitan club hi sorkar in grassroot-level project thalai nuai thum chuangte telna a siam a ni a, Congress tena first-time voters te an target-na anga ngaih a ni a. Gandhi chuan State thalaite chuan hmasawnna kalpui zel turin mawhphurhna an nei a ni tiin a sawi.
Wayanand Lok Sabha member chuan BJP te chu tribal community te Vanvasi ti tlatah puhin Adivasi a tih duhlohna chhan chu BJP te hian ram ngaw atanga chhuaka sector hrang hranga hlawhtlinna an chan a duh loh vang tiin a sawi bawk.
Gandhi thusawi hmain Chief Minister Bhupesh Baghel chuan thusawina neiin sorkar chuan iron-ore mines leh coal mines te Adani Group te hnenah a pek duh loh avangin Central agencies te chuan an rikrap reng tiin a sawi bawk a.
“Adani leh mines inkara ding an awm a nih chuan Congress leh Congress sorkar chauh a ni. EVM ah Lotus in hmet a nih chuan VVPAT ah Adani a lo chhuak ang” tiin Baghel chuan a sawi bawk.
Tun hnaia Adani Group te laka Organised Crime and Corruption Reporting Project (OCCRP) investigations chungchang sawiin Rahul Gandhi chuan international financial dalies te chuan Adani, Modi nena inzawmna thuktak nei chuan India ram pawnah crore sang tel thawnchhuakin a company te stock man tisangin chung sum te chu national assets leh infrastrucure leinan a hmang a ni a ti bawk.
“Railway station te takngial pawh pekin a an awm a. Engkim mai mi pakhat kutah hlanin a awm vek a. India ram pawnah crore sang tel thawnchhuahin a awm a, tu pawisa nge? Adani pawisa a ni lo. PM hian Adani te lakah inquiry a ti ngai lo va, thudik lailan ni se Adani hloh tur a awm lo, midang zawk a ni,” tiin a sawi bawk.