Madhya Pradesh, Rajasthan leh Chhattisgarh inthlana BJP tena chakna an chan hnuah Prime Minister Narendra Modi chuan heng state pathuma assembly poll result hian a lantir chu BJP te dinna sorkar tha leh hmasawnna thlen politics chu mipui ten an duh tihna a ni a ti.
BJP te chuan Hindi heartland State Rajasthan leh Chhattisgarh ah te sorkar thar an siam ang a, Madhya Pradesh chu an la nawn leh ngat a ni.
“Janta Janardan hmaah kan kun e. Chhattisgarh, Madhya Pradesh leh Rajasthan inthlan result hian mipui tena sorkar tha leh hmasawnna thlen politics, BJP te dinna tlat chu an duhzia a lantir a ni,” a ti a, “Heng state mipuite hnenah hian min thlawpnaah lawm thu ka sawi duh a, an tan hah hre lovin kan thawk zui zel bawk ang. Party Karyakartas thawkrim te lawmth ka hrilh duh bawk a. Kan development agenda te mipui ten an hriat theih nan chawl lovin an thawk a ni,” tiin Prime Minister chuan a sawi bawk.
Telangana-ah erawh Congress te chakin sorkar an siam ve thung ang a. PM Modi chuan post a siamah Telangana mipuite hnenah lawmthu sawina siamin theihtawp kan chhuah zui zel ang, a ti thung a ni.
PM Modi-a’n BJP te policy vang ti
Get real time updates directly on you device, subscribe now.
Prev Post
Next Post