Madhya Pradesh Chief Minister Shivraj Singh Chouhan chuan Assembly inthlana chakna an chan chhan chu Prime Minister Narendra Modi ‘double engine sorkar’ vang leh hmalakna thar Ladli Scheme te ang vang tiin a sawi.
Inthlan result chhiar mekah BJP te chuan Assembly seat 230 awmnaah seat 163 ah hma an hruai a, Congress-te chuan seat 64-ah hma an hruai mek thung a. Hei bakah hian Rajasthan leh Chhattisgarh state Congress te sorkar-naah pawh an chak ngei dawnin a lang bawk.
“Prime Minister Narendra Mosi chu Madhya Pradesh mipui te rilruah a awm a ni. Double-engine sorkar Centre leh State a sorkar inang tih te leh Ladli scheme ang te chuan mipuite dinhmun thaah dahin an nun a tiawlsam a. Hengte hi kan zavaia hnathawhhona vek a ni,” tiin Chouhan chuan a sawi.
“Ka sawi ziaha ka sawi nawn leh ngat ang a, mipuite ah anti-incumbency a awm lo a ni. Pro-incumbency vek an ni zawk a. Congress ten mipui te bum an tumna a ni a, mahse, mipui ten keimahniah rinna an nghat a ni,” tiin Chief Minister chuan a sawi.
A tum nga nan chief minister a nih leh dawn em tia zawhna chu, “Chutiang thilah thutlukna ka siam ngai lo. party-in thutlukna a siam mai ang,” a ti bawk.
Madhya Pradesh hi November 17 a inthlang kha niin vote 77.82% a tla a, kum 2018 khan 75.63% tlain kuminah vote a tla tha zawk a ni.
PM Modi ‘double engine sorkar’ vang a ti
Get real time updates directly on you device, subscribe now.
Prev Post
Next Post