PM Modi sumdawng tlemte hmanrua ti
Senior Congress leader Rahul Gandhi chuan Kozhikode a election rally a neihnaah Prime Minister Narendra Modi chu ram chhunga sumdawng hausa tlemte te hmanrua tiin a sawi.
Gandhi chuan Modi hna ber chu ram tana thil pawimawh tak tak a\anga mipuite hruai kawi, India rama sumdawng hausa ber ber te humhim leh an bank loan te ngaihdam a ni a ti.
“PM Narendra Modi hi India rama sumdawng hausa tawntaw panga emaw paruk vel hmanrua a ni” tiin Wayanad MP chuan a sawi a. Modi chuan mi 20-25 vel te hnenah Rs 16 lakh crore a pe tiin a sawi bawk a.
“Loneitute harsatna tawh te a sawi ngai lo, unemployment leh thil man sang te pawh a sawi ngai lo” tiin Rahul Gandhi chuan election rally a neihnaah a sawi bawk a.
Electoral bonds kha PM Modi-an midang te sum a chhuhsak dan lanchhuahna a ni a ti a. BJP leh RSS te chu Constitution tihchhiat leh thlak danglam tumah puhin chu chu kum 2024 Lok Sabha poll a issue lian ber niin a dangte chu heta \anga chhuak mai chauh a ni a ti bawk a.
Lok Sabha inthlan hun puan a nih hnuah Rahul Gandhi chuan Wayanad \um hnih tlawh tawhin a nomination paper thehluh rualin road show turu tak a nei tawh a. Kum 2019 khan he constituency a\ang hian 4,31,770 vote in a khingpui a hneh a ni.
Kerala Lok Sabha seat 20 awma inthlanna chu April 26 ah neih a ni dawn a ni.