Lunglei Police Station-a Cyber Cell hmalaknain mobile phone bo leh ruk zawnchhuah hna ngawrh taka chhui hnua hmuh let leh mobile phone 17 chu Zirtawpni khan a neitute hnenah hlan let a ni.
Lunglei SDPO Zarzokima chuan Lunglei Police Station-a Cyber Cell thawhrimna avanga hetiang zat mobile phone bo hmuhlet leh a ni chu fakawm a tih thu sawiin, tunlaiah information technology lama changkanna kan umphak ve zel a tul tih a sawi. Tuna an hlawhtlinna chu Central Equipment Identity Register (CEIR) portal awmze nei taka an hman tangkai vang a ni tih a sawi bawk.
Mobile phone hmuh let hi kumin August chhunga chhui chhuah an ni a. Lunglei Police chuan mipui chahin, mobile phone second hand an lei dawn reng rengin black list nge white list a nih finfiah hmasak phawt a him ber a. Google search hmangin CEIR portal emaw Cyber Crime portal emaw atangin awlsamtein tute pawhin an finfiah thei reng tih an sawi a ni.
Lunglei Police hian mobile phone bo leh ruk hi tunlai thiamna hmanrua hmanga chhuiin vawiin thlengin mi 71 phone an hmuhlet sak tawh a, suma chhutin Rs. 18, 86,000 hu a ni.
Police-in mobile phone bo pe let
Get real time updates directly on you device, subscribe now.
Next Post