Polling station vil ngun ngai bikte zirchiang dawn

Kumin MLA inthlanpui atana inbuatsaihna pakhat, polling station vil uluk ngai bik zirchian leh chumi atana inruahman dan tur chu Thawhtanni khan Siaha-ah district election officer Lalhmunsanga Hnamte hoin an thukhawm.
Election Commission of India-in ‘vulnerble areas/ polling station’ a puan ngai a tih leh puan dan tur inkaihruaina dan a siam te zirchian leh sawi ho a ni a. DEO hian sector magistrate-te chu Siaha district-a vulnerable areas/ polling station-a puan tul leh puan ngaite chu a hmalama lo zawngchhuak turin a chah. ECI-in a phut angin, sector magistrate leh sector police officer-te chu vulnerable area/ polling station-te vote thlak hma leh vote thlak ni a tlawh turin DEO chuan a chah bawk.
Thutkhawmah hian sector magistrate-te chu ‘Pink booth’ leh ‘model polling booth’ atana thlan tur pawh zawngchhuak tura tih nghal an ni.