Kum 2014-a Salzburg enkawl chunga Austrian Bundesliga title lo hlawhchhuak ve tawh Roger Schmidt chuan Portugal ramah manager ni chunga a league title pahnihna a lawm a, kum 2018-19 hnu lama a vawikhatna atan Benfica chu Portuguese Primeira Liga title a lakpui.
League final day-ah Benfica hian sithum faiin Santa Clara an hneh a, chak lo se la FC Porto tan champion beiseina a awm thei tur a nih laiin Goncalo Ramos, Rafa Silva leh Alex Grimaldo-te’n nuamsaa Roger Schmidt-a team chakna goal an khung a, Porto beiseina a tawp zui ta a ni.
Tun kha Benfica tana league title 38 an lakna niin, chu chu Portuguese record a ni.
Benfica hian season an hmang tha hle a, inelna hrang hrangah vawili chiah tlawmin, chu’ng zinga vawithum chu April thlaa ni kaw chhunga an chetchhiatna kha a ni.
Portugal champion Benfica
Get real time updates directly on you device, subscribe now.
Next Post