A zawn zata Premier League title pali lakpuitu Manchester City head coach Pep Guardiola chu Premier League Manager of the Year atan thlan a ni a, league title paruk la tling tawh Spaniard hi English football history-a coach hlawhtlingber dawttu a ni pha.
Spanish coach hian kum 2016-a Etihad club a zawm atang khan he award hi tum li a lo dawng tawh a; kumin hian award dawng tura chhawpchhuah ve dang Arsenal boss Mikel Arteta, Aston Villa manager Unai Emery, Bournemouth manager Andoni Iraola leh Liverpool head coach Juergen Klopp a hmakhalh leh ta a ni.
Guardiola chuan a chawimawina dawn chu thawhrimna lantirtu a nih thu leh a club vawn chhunga department zawng zawngte thawhrah a nih thu sawi chungin, “Nitin maia coach rual leh support staff pui tak takte bakah he team-a player-te kilkawitu manager ka ni hi ka inchhuang a; a zawn zata league title vawili lak hi ka career-a ka la inchhuan ber tum a ni.
“He league hi khawvela league hautak leh khirhkhan ber a ni a, he kawtkaia inelte hian football ropui an khel vek a ni,” a ti.
Premier League Manager of the Year Pep Guardiola
Get real time updates directly on you device, subscribe now.
Prev Post
Next Post