Primary school leh Angwandi worker ten Jadui Pitara an zir

Primary school leh Angwandi
worker ten Jadui Pitara an zir
North East Regional Institute of Education (NERIE), NCERT bultumin Nilaini khan Aizawlah Jadui Pitara leh e-Jadui Pitara workshop neih a ni a. Primary school zirtirtu 53 leh Angwandi worker 28 an tel.
SCERT director Caroline Zoramthangi chuan hmarchhak state zingah Mizoram chu mahni tawng leh hnam ziarang mila Jadui Pitara herrem hmasa ber an ni tih a sawi.
New Education Policy 2020 leh National Curriculum Framework for Foundational Stage 2022-in naupang kum 3 atanga 8 inkar zirna kalpui dan a duan ang zulzuia siam Jadui Pitara hi SCERT Mizoram chuan Mizoram mila herrem a, thil tangkai tur thenkhat dah belhin, ‘Thiamna Thûl’ tiin a vuah a. Domain tina naupangte hmasawn theihna turin Thiamna Thûl-ah hian zirna hmanrua 30 dah niin, heng hmanruate hmanga infiamna leh activity hrang hrang atang hian naupangten chîk taka ngaihtuahna hman thiamna leh harsatna sutkian dan an zir chhuak thei dawn a ni. Tualchhunga hmuh mai theih hmanrua, infiamna bungrua leh hnam ziarang pholang thei pawh Thiamna Thûlah hian sengluh belh theih a ni.
Workshop-ah hian resource person-ah NERIE, NCERT professor Dr Elizabeth Gangmei leh associate professor Dr. Albert Horo te bakah SCERT atangin Ngurnunsangi ten Jadui Pitara leh e-Jadui Pitara pawimawhna, tangkaina leh a hman dan tur an zirtir a ni.