Mizorama puk thui ber, feet 2225-a thui luhchhuaktu naupang pahnih hnenah Zotrek chuan lawmpuina an hlan.
Zotrek Adventure Club hian Thawhtanni khan Republic Venga an club office thar hawn pahin an din champha vawi 12-na an lawm a. An member zing ami, Ngentiang rama Tuilutpui puk (feet 2225) lut, an luh laia kum 7 leh thla 10 mi Lallawmzuala Pachuau, Thingsulthliah leh kum 12 leh thla 9 mi Cecilia Lalzampuii, Tanhril hnenah lawmpuina an hlan a ni.
Zotrek Adventure Club hi Mizoram open adventure club lian ber niin, member 150 vel an nei a. Thalai leh adventure lama tuimi tu pawh club hi zawm theih a ni. Mizoram chhung leh state pawn lamah adventure activities hrang hrang an nei thin a, kumin kumtawp lam hian Kanchenjunga Base Camp trekking nei turin an inbuatsaih mek.
Zotrek hian adventure activies bakah environment vawnhim lam, khuarel chhiatna leh emergency tanpui ngai an awmin theih ang tawkin an thawkchhuak thin a ni.
Puk lutchhuak naupang ber hnenah lawmpuina
Get real time updates directly on you device, subscribe now.
Next Post