Russia chu indo inpeih at rengin a awm a, nuclear war atan pawh a inpeih at reng a, mahse tun tut tutah ‘engkim kalpui hmanhmawh’ a tul ber lo tiin President Vladimir Putin chuan a sawi.
State media tena an interview naah Putin chuan March 15 atanga 17 thlenga presidential election neih turah a chak ngei tur thu a sawi bawk a.
Ukraine run tu Putin chuan Russia chu a sovereignty derthawnga a awm a nih chuan nuclear ralthuam hman a inpeih reng a ti a. “Military-technical point of view pawhin kan inpeih at reng” tiin Putin chuan Rossiya-1 television leh news agency RIA tena an interview naah a sawi a ni.
United States chuan Russian territory emaw Ukraine ah emaw sipai a dah a nih chuan chu chu Russia chuan amah beihnaah a ngai dawn tih a hria a ni a ti bawk a.
United States chuan Russian-American relation lamah sepcialist a ngah tawh a, insumkar ngaihna pawh an hria, tiin Putin chuan sawi bawkin, “Chuvang tak chuan indo inpeih at reng mah ila, hmanhmawh chung a ngaihna a awm lo” a ti bawk.
Putin chuan Kremlin in nuclear doctrine a neihah chiang taka engkim tarlana ni a ti a, a chhan leh vang thaah chuan Russia chuan a ralthuam a hmang mai ang ti bawkin “Ralthuam te hi hman tura siam a ni” ti bawkin Putin chuan, “Principles fel tak kan nei” a ti bawk.
United States in nuclear tests a nei a nih chuan Russia in a nei zui ve mai ang tiin a sawi bawk a. “A tul ber lo va, kan ngaihtuah nawn pawh a ngai a. Mahse, kan ti lovang ka ti dawn lo” tiin a sawi bawk.
Putin chuan Russia chuan Ukraine indonaah nuclear weapon hman ngaihna a la tawk lo tiin a sawi thung a. “Thil tam tak tihchhiat rupna ralthuam eng vangin nge kan hman ang, chutiang hman a ngaihna chu a la awm lo” tiin Vladimir Putin chuan a sawi bawk.
Putin-a’n indo inpeih at ti
Get real time updates directly on you device, subscribe now.
Next Post