Rahul-a’n Agniveer Scheme titawp ang ti

Heatwave chuan India ram zau tak tuam chhunzawm zelin Rajasthan a barmer ah chuan temperature in 48 degree Celcius a hawlh a, India rama temperature record kumin bika sang ber a la ni.
Yamun River a water level pawh tlahniamin chu chuan water supply lamh harsatna a siam bawk a.
Delhi khawpuia power demand chuan record 8,000 megawatts hawlh bawkin air conditioners, coolers leh refrigerator te hman a nasa hle.
Official data chuan hmun 24 lai Delhi, Punjab, Haryana, Rajasthan, Uttar Pradesh, Gujarat leh Madhya Pradesh ah te temperature in 45 degree Celcius a hawlh tih a pholang bawk a.
Rajasthan a Barmer chu temperature sanna ber niin 48 degree Celcius a kai a, Churu ah 47.4 degree Celcius, Phalodi ah 47.8 degree Celcius leh Jaisalmer ah 47.2 degree Celcius te a kai a ni.
Madhya Pradesh a Ratlam ah chuan 45 degree Celcius a ni a, Maharashtra a Akola ah 44.8 degree Celcius niin Haryana a Sirsa ah 46.6 degree Celcius, Punjab a Bhatinda ah 46.1 degree Celcius, Gujarat a Kandla ah 46.1 degree Celcius leh Uttar Pradesh a Jhansi ah 45 degree Celcius te a kai bawk.
Khawlum hian zual lama pan zel turah India Meteorological Department chuan a sawi a, degree thum atanga degree li thlengin a la lumbelh dawn niin a sawi.
Met department chuan Rajasthan, Punjab, Haryana, Chandigarh, Delhi leh west Uttar Pradesh ah te chuan khawlum lutuk avanga natna leh heatstroke thlen theihna a sang an ti bawk.
Zan lam khawlum chuan Uttar Pradesh, Punjab, Haryana, Delhi leh Rajasthan-ah pawh ni li chuhng vel chu khawlum kaihhnawiha harsatna a tizual thei a ti bawk a.
Zan lama temperature sang chu hlauhawm taka ngaih niin a chhan ber pawh mihring taksa in daihna hun a neih loh vang a ni. Zanlam khawlum hi khawpui lianah a nasa zual a, a chhan pawh urban heat island effect vang niin metro te chu a chhehvel te aia lum zual bik a ni thin a ni.
Khawlum chuan power grid te a tirim hle a, chutihlaiin tui hna tam tak kang chat tawhin India hmun thenkhatah chuan khawkheng ang dinhmun a thleng tawh bawk.
Central Water Commission chuan India a major reservoir 150 a tui awm te chu tun hnai kum nga chhunga a tlem ber tum tia sawiin tui tlem zel chuan state tam tak tibuai hydroper generation pawh a titlem a ni.
Bollywood superstar Shah Rukh Khan pawh Gujarat a Ahmedabad a T210 match khel a enna lamah heatstroke avanga talbuaiin dmdawi in panpui a nih phah bawk.
April thla pawh khan union Minister Nitin Gadkari chu Maharashtra a election rally a neihnaah khawlum lutuk avangin a talbuai a, West Bengal a TV host pawh live broadcast laiin khawlum lutuk avangin nikhaw hre lovin a awm bawk.
Khawlum zual z el leh na tial tial chuan India ram chhungkua tam tak rethei zawk te chu a tibuai hle a, tui leh intihdaihna tur an nei tha ve lo va, pawna hnathawh khawlum lutuk avanga a harsatn em avangin chawl lovin an awm thei bawk si lo a ni.
Mithiam te chuan pawnlama hnathawk, kum upa leh naupang te chu khawlum lutuk tuar nasa thei ber ber tiin an sawi a. World health organisation chuan kum 1998 leh 2017 inbkar chhung khan heatwave avangin nunna chan 1,66,000 chuang an awm tiin an sawi bawk.
Kum 2015 leh 2022 inkar chuhng khan idnia ramah heatwave avanga nunna chan 3,812 an awm a, Andra Pradesh ah tam berin nunna chan 2,419 an awm niin nikum July khan Union health ministry chuan Parliament a hriattir a ni.
Khawlum lutukna hmunah chuan mihring an productive thei lo va, naupang te pawhin zirna lamah harsatna an tawk nasa thin bawk.