Raltlan thawn let lo turin Manipur ngen

Myanmar a inbun organisation te chuan Manipur sorkar chu anmahniin let leh an thlang a nih loh chuan Myanmar refugees te chu thawn let tawh lo turin an ngen a. An thawn let a nih chuan Myanmar sipaiah \an luihtir an ni dawn a ni, an ti.
N Biren Singh sorkar chuan March 8 a\ang khan refugees 77 te chu thawn let tur tiin mi pariat a thawn let hmasa phawt a.
Burma Refugees Committee-Kabaw Valley te chuan thuchhuah an siamah heng refugee thawnlet te hi military junta te hnenah hlan an nih an hlauhthawn thu an sawi a.
Myanmar sorkar chuan people’s Military Service Law- conscription law tia hriat lar chu February 10 khan a hmang \an a ni. “Myanmar nationals te junta te hnena hlanlet an nih chuan sipaite chuan indona tualah human shield angin inphen nan an hman kan hlau a ni” tiin thuchhuah siamah an sawi a.
Manipur sorkar chu socio-political leh humanitarian ground talin deportation plan chu ngaihtuah nawn turin an ngen bawk a ni.
“Hei bakah hian Manipur sorkar chu detention centre a\anga an chhuah hnuah border areas ah hun rei lo te an cham remti se la, tichuan him takin an chenna an pan thei dawn a ni” tiin organisation te chuan an sawi bawk.