Ram hruaitu lianten Pope Francis an sun

Ram hruaitu lianten Pope Francis an sun
Latin America-a Roman Catholic Church hotu lu ber ni hmasa ber, Pope Francis-a chu kum 88 mi niin Easter Monday khan a thi a. A thi tih puan a nih atangin khawvel ram hruaitu lawk tak takten an ui thu leh an sun thu an sawi hlawm.
Church of England hotupa ni mek, Archbishop of York chuan ‘Pathian mi thianghlim’ tia sawi rualin ‘mihring dik tak a ni bawk’ a ti.
Italy Prime Minister Giorgia Meloni- chuan Pope hi ‘pa ropui’ tia fakin an inthian thatna, a thurawn leh a zirtirna chu a fak bawk.
April thlaa Italy a tlawh tuma mi mala Pope hmutu, King Charles III pawhin a thi tih a hriat chuan ‘a lungchhe hle’ tih a sawi a, ‘rim taka a thawhna’ chu a fak bawk.
UK Prime Minister Keir Starmer-a pawhin ‘Catholic Church pum pui’ a tawrhpui thu a sawi a. ‘Pope hi mi rethei, rah beh leh theihnghilha awmte tan’ a nih thu a sawi.
US President Donald Trump chuan social media-ah, “Rest in peace Pope Francis! Pathianni amah hmangaihtute awmpui rawh se!” tiin a tar lang.
Vatican chuan Pope hi Pathiannia nawrhlirha thu chunga mi sang tel hmaa Thawhleh Ni thuchah a sawi tukah a thi tih an puang.
Pope hi pneumonia pahnih a neih avangin chawlhkar nga lai damdawi inah a awm hnuah tun hnai lawkah a chhuak a ni.
Khawvel puma Catholic tluklehdingawn 1.4 vel chuan a thihna hriatrengna inkhawm buatsaihin amah sun leh thlah tum tam takin Vatican an thleng tan bawk.
Buenos Aires, Argentina-a piang, Francis hi kum 2013 atang khan Pope a ni.
Thawhtanni hma taka Vatican-in thuchhuah an siamah Cardinal Kevin Farrell chuan, “Tukin dar 07:35 (India-a chawhma dar 11:05) khan Bishop of Rome, Francis chu Pa inah a haw ta. A nun pumin Pathian leh a Kohhran tan rawng a bawl a ni,” a ti.
Pope Francis-a ruang hi Vatican khualbuk, Chapel of Domus Sanctae Marthae-ah lak a ni dawn a. He hmun hi a hmaa Pope lo ni tawhte chenna atana ruata cheng duh lova Pope atana thlan a nih hlima chenna atana a thlan kha a ni.
Pope thar thlan leh hmaa camerlengo nihna chelhtu, Cardinal Farrell chuan kohhran hruaitu lawkte leh Francis-a chhungte nen Thawhtanni zan khan pontiff thih thu hi official-in an puang a ni.
Francis-a hi St Peter’s Basilica-ah zalh leh a ni ang a, hetah hian amah sun leh thlah duhte tan thil tih theih a ni dawn a, ni li atanga ni ruk inkarah vui a ni ang.
Pope hian a thih huna sawngbawl dan turah pontiff-te thiha tih thin tam tak ti ve lo turin a chah lawk a, heng zingah hian a kuang chei vak leh dawhsan bika a ruang dah pawh a duh lo.
Francis-a a thih rual hian Pope thar thlan tur pawh ruahmanna kalpui nghal a ni a, heta thutkhawm hi conclave tih niin ni 15 atanga 20 hnuah an thukhawm thin tlangpui.
An kohhrana hotu lawk rual, College of Cardinals an tih chu vote thlak turin Rome-ah an kal khawm ang a. Cardinal 135, kum 80 hnuai lam an tel dawn a ni.