Ram tan thla tin tawngtai rel

State Day of Prayer Executive Committee bultumin thla tin ram tan tawngtai rual neih tum a ni.
State Day of Prayer Excutive Committee chuan ram tana tawngtai hun an buatsaih tak thlirletin an thukhawm a. District tin leh kohhran engemawzatin State Day-a ram tana tawngtaina hun tha tak an hmang thei tih report a ni.
A hmanna pui ber Aizawl Sipai Lammuala hun hman pawh tha thawkhatin an hria a. Chief minister Pu Lalduhoma’n ram mipui hnena thuchah leh tawngtai thupui a sawite chuan mipui a hnehin, ram hruaitu mai ni lo, thlarau lam pa (spiritual leader) chan chang taka hun a hmang chu lawmawm an tih thu sawi a ni.
State Day – February 20 ah State Day of Prayer neih chhunzawm zel tha an ti a. Hemi chungchang hi State Day of Prayer patron leh chief minister ni bawk hnena thlen nise, hun awm leh turah chuan inbuatsaina hun tha tak nen ram pum huap tak taka hun hman a nih theih nan tan lak nise, an ti.
State Day of Prayer hman theihnana sum leh tha leh mahni hmanrua thawhtute chungah Committe hian lawmthu a sawi a. Mipui ngenna avangin State Day of Prayer Committee bultumin thla tin ram tana tawngtai ho neih thin nise, an ti bawk.