Ramhnim damdawi phochhuak

Jawaharlal Nehru University New Delhi-a The School of Life Sciences leh Mizoram University-a Department of Horticulture, Aromatic and Medicinal Plants
(HAMP) tangdun chuan April 26 khan MZU hmunah ramhnim damdawi pholan (exhibition) leh zirchian (exploration) ‘Traditional Healers Meet’ an buatsaih.
Programme hawnna hi MZU vice chancellor Prof DC Deka leh registrar Prof. Lalnundanga bakah JNU School of Life Sciences atangin Prof Arun S Kharat ten an hmanpui a. MZU vice chancellor chuan Mizoram leilung leh ramngawah ramhnim damdawi tam tak hmuh theih a ni, tiin, zir leh inhriattirna kawng uar lehzual turin a fuih
Programme hawn inkhawm zawh hian technical session neih a ni a, tualchhunga ramhnim damdawi lam buaipuitu atangin KC-a, K Lianthanga, C Sangthanchhunga leh Joseph Fanai ten thu an sawi a; natna chi hrang hrang enkawlna, an damdawi, thlai hnah leh ramhnim atanga an siam chu phochhuah a ni bawk.