Ramri hung duh loh thu thlen

Myanmar leh India ramria zalen taka inkalpawhna, Free Movement Regime (FMR) hlih tum duh lohna leh Myanmar leh India inkar ramri hung tum duh lohna memorandum chu Mizo Zirlai Pawl chuan Prime minister hnenah an thehlut.
Thawhtanni khan MZP Gen. Hqrs. hruaitute chuan memorandum hi Mizoram larsap kaltlangin an thehlut a. Larsap zin lai a nih avangin a aiawhin a secretary V Lalsangliana’n a lo dawng a ni.
MZP president H Lalthianghlima chuan Zofate daidang tur FMR leh ramri hung hi dodal zel an tum tih a sawi.
Lehkha thehluh hi India vice president, Union Home minister, Mizoram larsap leh Union Home secretary hnenah a copy an pe a ni.