Ranbir Kapoor-a Bentley Continental GT thar

Bollywood actor Ranbir Kapoor chuan a garage-ah car thar, Bentley Continental GT a hung leh ta ran mai. He car thar hi India-ah on-road price cheng vaibelchhe 6 chuang a ni!
Ranbir Kapoor hian a car thar hi Mumbai khawlaiah a theuleu pui ziai ziai tawh a, Continental GT hian 4.0-litre V8 engine neiin, 542 bhp leh 770 Nm torque pechhuak thei a ni a, second 4 chhungin 0-100 kmph a chakin a tlan hman a, a top speed cu 318 kmph a ni.
A performance lam chi dahtha rih ila, Bentley Continental GT hi a tlan chak theih piah lamah thui tak taka tlan nan pawh chuan nuam tura duan a ni a, electrically adjustable seat neiin, 1550-watt Bang & Olufsen surround sound system a thuam a ni a, Bentley rotating display neiin, touchscreen infotainment system a nei bawk. Driver assistance system changtlung taka thuam a ni a, adaptive cruise control, autonomous parking, lane detection leh night vision camera thlengin a nei.
Ranbir hian luxury car a nei nual tawh a, nikum lawk pawh khan Range Rover LWB a lei thar a, he SUV hi tunlaia a hawl chhuah ngun deuh ber a ni. A garage-ah hian Audi A8 L, Audi R8, Mercedes-Benz G63 AMG lehactor Sanjay Dutt-a’n a present Ducati Multistrada te pawh a hung khup tawh a ni.