RAW chief hluiin Pannun thah tur ti

alistan activist, Gurpatwant Singh Pannun, India in firfiakna thila a mi duh em em chu Indian Research and Analysis Wing (R&AW) chief hlui thupekin thah tura tih a ni a. RAW chief hlui chuan senior intelligence officials, Prime Minister Modi inner circle nena inzawmna tha tak nei remtihna a la a ni tiin US national daily Washington Post chuan a chhuah.
Washington Post chuan R&AW officer hming chu November 2023 a New York a Justice Department case ah erawh ziah lan a ni lo a ti thung a.
A hranpaa Washington Post tena press release an siam zuiah United States, India, Canada, Britain, Germany leh Australia a senior officer chawl tawh leh la tanglai mek thahnem tak an kawm thu sawiin R&AW officer thenkhatte chuan man, hnawhchhuah leh hauh tun hnaiah an tawk nasa tia sawi bawkin chu chuan India intelligence operatives te chuan Indian diaspora member te lakah ‘campaign of aggression’ an kalpui nasat zia a tarlang a ti bawk.
Ministry of External Affairs chuan Washington Post thuchhuah chhanna a siam duh lo va. Karkalta khan he mi chungchanga zawhna a chhangah MEA thupuangtu chuan American tena information min pekte chu kan national security tana pawi thei a nih avangin enfiah tur high-level committee ten an enfiah mek a ti a ni. Tun hnaiah India sorkar chuan Indian agency tena ram pawna Khalistan activits te an beih dan thlirchianna Canadian leh Australian public broadcaster CBC leh ABC tena an tihchhuah documentary te chu a block hmak bawk.
“American sorkarin report a kawlah chuan US intelligence officials te chuan Pannun thah tumna operation chu khatihlia RAW chief Samant Goel an remtihna a pek a ni” tiin report chuan a tarlang a. “US spy agencies te chuan Modi a National Security Adviser, Ajit Doval chuan RAW tena sikh activists thah an tumna chu a hria” tiin tarlan a ni bawk.

‘Kan policy a ni lo’
Washington Post story chuan R&AW official Vikram Yadav chuan Indian subinessman Nikhil Gupta, tuna Czech Republic a tang mek leh a chungthu US a ngaihtuah tur thawn tur chu New York-a a chenna in a GS Pannun that tur hitman ruai turin a ti a. Yadav hi Central Reserve Police Force (CRPF) official niin R&AW a deputation a awm mek a ni a, a hnuah paramilitary forces ah let tir leh nghal a ni tiin tarlan a ni bawk.
Indian Ministry of External Affairs chuan chutiang inthah chu Indian policy a ni lo tiin Canadian tena an ram chhungah Khalistani activist Hardeep Singh Nijjar thahnaah pawh India an puhna chu a lo hnawl tawh bawk a.
Pannun thah tumna case chungchangah US ah pawh White House administration, Justice Department FBI-DEA investigation titute ngaihdan pawh a in ang lo hle a ti bawk a.
Finfiahna an neih a tarlanah Pannun that turin Gupta chuan Yadav thupekin American agent undercover agent a ruai a, surveillance message an inthawn te, Indian intelligence official pathum video-call neihnaa Pannun thah a nih theih nana ruahmanna green signal petute thlalak pawh an neih thu an tarlang bawk.
Mahse a hnuah US Justice Department chuan Gupta leh Yadav te chu thubuai siamsak turin a ti a. Biden administration chuan India nena inlaichinna tihchhiat loh nan Gupta chauh chu tun dinhmunah thubuai a siam sak a ti bawk.
Pannun case chungchang chu U.S. Deputy NSA Jon Finer, U.S. Deputy Attorney General Lisa Monaco leh Deputy CIA Director David Cohen te pawhin sawihona nei zutin President Biden pawhin he mi issue hi September 2023 a Prime Minister Narendra Modi nena meeting an neihah sawiin accountability an phut thu a hrilh a ti bawk.