Rawk an ni tih an inhriat hma in thil ruk hmuhsak

Tunhnai khan zingkarah Sports & Youth Services directorate-ah mi lutin bungrua thenkhat an ruchhuak a. Department lamin rawk an ni tih an inhriat hma in police-in thil rutute hi an man.
Police atanga thudawn danin, May 21 khan Aizawl Bazarpui velah mi pahnih chuan laptop, football leh infiamna hmanraw dang an zuar chu police-te hian ringhlelin thu zawhfiah turin an la a, Andy Zothanpuia (32) leh Lalromawia (35) Maubawk Veng te hi thu an zawhfiahna atangin MINECO Khatla-a Sports & Youth Services directorate-ah hian ventilation atangin May 21 zing dar 3.00 vel khan an lut a, laptop, football, table tennis bat adt. an la tih an sawi.
Hetihlai hian S&YS directorate lam hian rawk an ni tih an lo la inhre lo nia thu dawn a ni a. An kut atanga car tape man pawh Aizawl leh Saitual inkara maxi cab service ami an lak tih hriatchhuah leh niin, a neitu hian FIR a thehluh bakah an thil ruk hi a hmu kir leh a ni.
Police-te sawi danin, heng mi pahnih hi tunhma in pawikhawihna thilah police case an la nei ngai loa, ruihhlo ti thin an ni.